''உலையில் வளரும் நெருப்பைப்போல் தீயுமாறு வருத்தம் தரும்
பாவம் அவ்வாறு தீரப் பெற்று, கலை வளர்வதற்கான உணர்வும் தெய்வக்
காட்சியும் கற்றுணராமலே அடைந்து, அலை வளர்கின்ற கடல் சூழ்ந்த
இவ்வுலகில் நிகரற்ற புதுமையாக என் தாயின் வயிற்றிடத்திருந்தே மலையில்
வளரும் ஆற்று வெள்ளம் போல் தொகையான வரங்களை மகிழுமாறு
பெற்றுக் கொண்டேன்.

     வயின் - இடம். அது செய்யுளோசைக்காக 'வையின்' என நின்றது.

 

102

தூங்குயர் கனிகள் தீம்பாற்      றோயவீழ்ந் தென்றோ வானி னீங்குயர் துளிமுத் தாக      நிறத்தசங் கிடைவீழ்ந் தென்றோ பாங்குயர் வரத்தி லென்னைப்      பயந்ததா யுதர நீங்க வோங்குய ரிறைவன் சாயு      மொண்கரத் திமிழிற் சாய்ந்தேன்.