''போரும் கடுத்த சினமும் முதிர்ந்த அறநெறிப்படி அமைந்த நீதிமுறை
எனவும், உடலோடு விளைந்த காமம் சிறந்த இரு மனங்களிடையே அமைந்த
நட்புறவு எனவும், குற்றத்தின் அடிப்படையில் வளரும் பொன்னாசை
வாழ்க்கைக்கு வழித்துணையாக அமைந்த ஆசை எனவும், இவ்வாறெல்லாம்
பொய்யின் அடிப்படையில் பொங்கி எழும் பற்று மனிதரிடத்துப் பாவத்தைப்
புகுத்தும் அரிய வழியாகும்.

 

115

இன்னவா றொருவ னானே      யிடறிலா தொழுகும் பாலோ துன்னவா றிடறி வீழ்ந்தாற்      றுணைவனின் றெடுத்துப் பின்றா தன்னவா றொழுக வென்றோ      ரருங்குரு விலநிற் பேனோ வென்னவா றொழுகு வெள்ளத்      திளமுனி யழுது சொன்னான்.

''இன்ன ஆறு ஒருவன் நானே இடறு இலாது ஒழுகும் பாலோ, துன்ன ஆறு இடறி வீழ்ந்தால் துணைவன் நின்று எடுத்து, 'பின்றாது அன்ன ஆறு ஒழுக,' என்று ஓர் அருங் குரு இல நிற்பேனோ?'' என்ன ஆறு ஒழுகு வெள்ளத்து இள முனி அழுது சொன்னான்.