''இழிவு கொண்ட இனத்தைச் சேர்ந்து இருப்போர், தாம்
இழிவில்லாதவராயினும், தம் இனத்தாரைச் சேர்ந்த இழிவைத் தாமும்
அடைவார். எனவே, தெய்வ அருள் தன் மனத்திற் சேரப் பெற்று, வருத்தம்
தரும் பாவக் கறை ஒன்றும் தன்னைச் சேராத அச் சிறுவன் என் திருவுளக்
கட்டளையால், தன் இனத்தாரைப் பிரிந்து, காட்டை அடைந்தான். அங்கு
எனது அருளாகிய உள்ளங்கைக்குள் அவன் வளர்ந்து, கொல்லையில்
வளர்ந்த நிறை கனியுள்ள மரத்தைக் காட்டிலும் ஆன்ம செல்வம்
மிக்கவனாய்ப் பொலிவு பெறுவான்.

 

160

மீன்கறிகற் றொளிவேற்கஞ்      சிலகா னின்று வெளிப்பட்ட வூன்கறிகற் றரியன்ன      தவத்தின் மிக்கோ னுலகஞ்சத் தேன்கறிகற் றிமிர்வண்டார்      வனத்தி னின்று செழுஞானந் தான்கறிகற் றுமிழ்ந்தென்னத்      தவறா நீதிச் சால்புரைப்பான்.

''மீன் கறி கற்ற ஒளி வேற்கு அஞ்சு இல கான் நின்று                                 வெளிப்பட்ட ஊன் கறி கற்ற அரி அன்ன தவத்தின் மிக்கோன் உலகு                                 அஞ்ச, தேன் கறி கற்று இமிர் வண்டு ஆர் வனத்தினின்று, செழு                                 ஞானம் தான் கறி கற்று உமிழ்ந்து என்னத் தவறா நீதிச் சால்பு                                 உரைப்பான்.