''அக்கருணையன் புண்ணில் தோய்ந்த நெருப்புப் போன்ற கடுஞ்
சொல்லாகிய வாளால் பாவங்களை அரிந்தும், வானத்தில் தோய்ந்த இடி
போல முழங்கி நீதியின்பால் அச்சம் பிறப்பித்தும், கண்ணில் தோய்ந்த
இருள் நீங்க விளக்கிட்டது போன்று மோட்ச கதியை விளக்கிக் காட்டியும்,
மண்ணுலகில் பொருந்தியுள்ள மனித உயிர்கள் பலவற்றையும் மோட்ச
கதிக்குச் செலுத்தத் கூடிய வரம் பெறுவான்.

 

163

பாடலோ டியைந்தாடல்      குணுக்கு மின்பம் பயந்தெனக்கோற் கோடலோ டியைந்தபுகர்      கொண்டன் றாண்ட கோமானு மாடலோ டியைத்தொழுகி      யரிய வெல்லா வறத்தொகையோன் வீடலோ டியைந்தெதிர்க்கும்      வினைசால் போதங் கனிகேட்பான்.

''பாடலோடு இயைந்த ஆடல் குணுக்கும் இன்பம் பயந்தென, கோல் கோடலோடு இயைந்த புகர் கொண்டு அன்று ஆண்ட கோமானும், ஆடலோடு இயைந்து ஒழுகி அரிய எல்லா அறத் தொகையோன் வீடலோடு இயைந்து எதிர்க்கும் வினை சால் போதக் கனி கேட்பான்.