உடல் உருவத்துள் ஒளித்துத் தங்கிய ஆண்டவன் தன் தெய்வ
மணத்தை மறைத்துக் கொண்டிருந்த மலர் போன்ற கண்களால் எல்லாச்
செல்வமும் உள்ளே மறைந்து கிடக்கின்ற ஞானத் தெளிவின் மூலமாக
ஒப்பிட எப்பொருளும் இல்லாது ஒளித்துக் கொள்ளத்தக்க அருளைச்
செலுத்தினான்.

 

140

திறங்கொ ளீஇத்தெரு டாசனுட் பிறங்கொ ளீடுறு பெற்றியாற் புறங்கொ ளீஇப்பொதிர் யாவரு அறங்கொ ளீஇத்தொளி வாயினார்.

திறம் கொளீஇத் தெருள் தாசன் உள் பிறங்கு ஒள் ஈடு உறு பெற்றியால், புறம் கொளீஇப் பொதிர் யாவரும் அறம் கொளீஇத் தெளிவு ஆயினார்.

     ஆண்டவன் அருள் திறம் கொண்டு தெளிந்த தாசனாகிய சிவாசிவன்
உள்ளத்தில் விளங்கிய ஒளியில் ஈடுபாடு கொண்ட தன்மையினால், புறத்தே
சூழ்ந்து திரண்டு நின்ற யாவரும் அறத்தைக் கைக்கொண்டு தெளிவு
கொண்டனர். 'கொண்டு' என்பது 'கொளீஇ' என்று திரிந்து சொல்லிசை
அளபெடை ஆயிற்று.