"மிக்க அழகுள்ள மாலையை அணிந்தவனே, அவ் விண்மீனைக்
கண்டதும் மூவரசர் இங்கு வந்து, 'இவ்விண்மீன் காட்டிய யூதர் மன்னனாகிய
அவன் எவ்விடத்திற் பிறந்து தங்கியுள்ளான்?' என வினவ, நீயே கேட்டாய்.

      அங்கு - ஆங்ஙனம் என்பதன் குறுக்கம். முன் 44ஆம் பாடலிற்
கூறியவாறு. 'மிக்கவணங்கு' என்பதன் தொகுத்தல் விகாரமாக வினவக்
கேட்டது: மத், 2 : 1 - 2. 'மிக்கணங்கு' என நின்றது.

 

46

மீட்சியுங் கோவலர் வியப்பக் கண்டதோர் காட்சியுங் கடும்வினை கடிந்த சீமையோன் சாட்சியும் புகழ்ச்சியும் மற்றச் சால்புறு மாட்சியும் பெருமையும் வழங்கக் கேட்டியால்.

"மீட்சியும், கோவலர் வியப்பக் கண்டதுஓர் காட்சியும், கடும் வினை கடிந்த சீமையோன் சாட்சியும் புகழ்ச்சியும் மற்றச் சால்பு உறு மாட்சியும் பெருமையும் வழங்கக் கேட்டியால்.

      'மேலும், இடையர் வியப்போடு போய் அக் குழந்தையை நேரிற்
கண்ட காட்சியும், தீச் செயல் விலக்கிய சீமையோன் என்ற குரு கூறிய
சாட்சியும் புகழ்ச்சியும், மற்றும் அக் குழந்தையைப் பற்றிய மேன்மை
பொருந்திய மாண்பும் பெருமையும் இந்நாடெங்கும் வழங்குதலையும் கேட்டு
அறிந்துள்ளாய்.

      மீட்சி - இங்கு 'மீளவும்' என்ற கருத்தில் நின்றது. கோவலர்கண்ட
காட்சி : லூக். 1 : 8 - 18. சீமையோன் சாட்சி : லூக், 2 : 22 - 35.