மலரின் வாய் விரிந்த போது வண்டுகள் மிகுதியாக வந்து மொய்ப்பது
போல, இவ்வாறு விரித்து உரைக்கும் சூசையின் வாயினின்று பிறந்த நல்ல
வேத நூல் வழியாக ஒழுகிய அமிழ்தம் போன்ற இனிய தேனைத் தம்
காதுகளை வாயாகக் கொண்டு பருக விரும்பி எல்லோரும் கூட்டமாக வந்து
கேட்டுக் கொண்டிருந்தனர். சூசையும் பாவத்தினால் வாய் கிழிந்த புண்ணின்
மேல் குளிர்ச்சி தரும் மருந்தை தடவினாற் போல அவர்களுக்கு வேண்டிய
அறவுரை சொல்வான்.

 

3

படம்புனைந் தெழுதப் பட்ட      பங்கய மெழுவாய் பைம்பூந் தடம்புனைந் துறைந்தெஞ் ஞான்றுஞ்      சைவலஞ் சிவைகொள் ளாபோல் வடம்புனைந் தொளிறு மார்பின்      வடுப்புனைந் திருண்ட நெஞ்சோ டுடம்புனைந் தனைத்துங் கேட்டொத்      தொழுகிலான் வாம னென்பான்.