வெட்டு - வேட்டு என்பதன் குறுக்கல் விகாரம்

 

48

வள்ளுறப் பகைத்துயிர் வருத்து மெய்யலா வள்ளுறக் கொடுமைகொண் டடும்பு றப்பகை யுள்ளுறக் கண்முத லுள்ள வாயிலைந் தெள்ளுறத் திறப்பதே னெரிசெய் வேலினோய்.

"வள் உறப் பகைத்து உயிர் வருத்தும் மெய் அலால், அள் உறக் கொடுமை கொண்டு அடும் புறப் பகை உள் உறக் கண்முதல் உள்ள வாயில் ஐந்து எள் உறத் திறப்பது ஏன், எரிசெய் வேலினோய்?

     "ஒளி தருகின்ற வேலை உடையவனே, வலிமையோடு பகைத்து
உயிரை வருத்தும் தன் உடலாகிய உட்பகையும் அல்லாமல், நெருங்கிய
இடத்துக் கொடுமை கொண்டு தாக்கும் புறப்பகையும் உள்ளே புகுமாறு கண்
முதலாக உள்ள ஐந்து வாயில்களையும் இகழ்ச்சியுறத் திறந்து விடுவது ஏன்?

 

49

இருண்டிருங் கனத்திடை யெரிந்த மின்னென மருண்டிருண் டுயிர்கெட மயல்செய் வாண்முக முருண்டுருண் டெறிந்தவெண் டலைய தோர்ந்துளந் தெருண்டிருந் திமத்திடைக் காண்மின் றேறவே.

"இருண்ட இருங் கனத்திடை எரிந்த மின் என மருண்டு இருண்டு உயிர்கெட மயல்செய் வாள்முகம் உருண்டு உருண்டு எறிந்த வெண்தலை; அது ஓர்ந்து உளம் தெருண்டு இருந்து இமத்திடைக் காண்மின் தேறவே.

     "இருண்ட பெரிய மேகத்தினிடையே ஒளிர்ந்த மின்னலைப் போல்
உயிர் மயங்கி இருண்டு கெடுமாறு மயக்கம் செய்யும் ஒளி பொருந்திய
மாதர்முகம் உயிர் பிரிந்தவிடத்து உருண்டு உருண்டு ஓடும்
மண்டையோடாய்க் காணப்படும். அதனை உணர்ந்து உள்ளம் தெளிந்து
தேறுமாறு சுடுகாட்டில் காண்பாயாக.