"கழுகு முதலிய பறவைகளெல்லாம் வணங்கும் கொம்போடு சினங்
கொண்ட ஆண் யானை போன்றவனே, விண்ணுலகமெல்லாம் வணங்கும்
மெய்வேதம் விலக்கிய தீமைகள் நீங்கி, உள்ளம் முழுவதும் இருள் அற்று,
ஊக்கத்தோடு நன்னெறியில் ஒழுகத் துணிந்தாலன்றி, மண்ணுலகம் முழுவதும்
நடக்கின்ற தீமைகளோடெல்லாம் ஒவ்வாத துயரம் நிறைந்த நரகத்தையே நீ
சென்று சேர்வாய்.

     புள் இறைஞ்சுதல் - யானை தனது கொம்பினால் பகைவரைக் குத்திக்
கொன்று தமக்கு விருந்து படைக்குமெனப் பறவைகளெல்லாம் அதனை
வணங்குகின்றன.

 

56

தொல்லையிம் மருளி னூழ்த்த      துகள்விடத் துணித லொன்றோ வொல்லையிந் நசைநீங் காதே      லூழலில் வேத லொன்றோ வெல்லையில் விரண்டி லொன்றே      யியாவருந் தவிரா தென்ன வல்லையில் வுணர்விற் றேர்தி      மாற்றலர் வணங்கும் வேலோய்.