"ஒன்றாக அளவெல்லாம் கடந்து, மின்னுகின்ற விண் மீன்களைத் தன்
அழகுக்கு ஒத்து இரா என்று புறத்தே தள்ளி, அளவில்லாத சிறப்பெல்லாம்
தொகுதியாகக் கொண்டுள்ள ஒளியுலகமாகிய மோட்சத்திற்கு உரிய
தன்மையை அங்குப் புகுந்த அளவிலே அறிதல் கூடும். அவ்வாறன்றி,
கண்ணாற் காணக் கூடியதைக் கறையுள்ள கையினால் தடவிக் காண
முற்படுவதுபோல, நக்கும் அளவிற்கும் குறையும் இவ்வுலகச் சிறப்பு
நயங்களை அளவுகோலாகக் கொண்டு உணரக் கூடுமோ?

     ஒக்களவு, புக்களவு என்பன தொகுத்தல் விகாரங்கள்.

 

72

உள்ளுமா றகன்ற வாழ்வுய்த்      தும்பரைப் படைத்த பின்னர்த் தெள்ளுமா றகன்றாங் காரஞ்      சிலருறீஇ யிறைவ னேவிக் கொள்ளுமா றகன்ற தீமை      குணித்தள வுரைத்த சாபத் தெள்ளுமா றகன்ற வானோ      ரெரியுழிப் பேய்க ளானார்.