"அரசே, நீதிநூல் நெறிப்பட்ட நுணுகிய கேள்வியறிவின் தன்மை
நோக்கிப் பேசுபவர் கேட்பவர்தம் முகத்தை நோக்கார்; செங்கோலின்
தன்மை வளையுமாறு நீதியை வளைத்துப் பேசுபவர் பகைவரைக் காட்டிலும்
தீயவராவார்; அதனால், காற்றின் போக்கை நோக்கி அதற்கேற்ப ஆடும்
துணிக்கொடி போன்றவர் சொல்லைக் கேட்டு நடப்பின், கையில் வேல்
பொருந்திய பகைவர் இல்லாமலும் உன் வாழ்க்கை வேரோடு அழியும்.

 

59

கற்றுறு மாட்சி பூண்டு      கசடறு மறையி னூலா லுற்றுறு பொருள்க டேர்ந்தே      யுணர்த்துவ தொன்று கேண்மோ சொற்றுறு மெனது சூட்சித்      துணிவிழி வாகத் தோன்றின் முற்றுறு மொழியைக் கேட்டு      முனிதியே முருகு வேலோய்

"கற்றுஉறு மாட்சி பூண்டு கசடு அறு மறையின் நூலால் உற்றுஉறு பொருள்கள் தேர்ந்தே உணர்த்துவது ஒன்று கேண்மோ; சொற்று உறும் எனது சூட்சித் துணிவு இழிவாகத் தோன்றின், முற்றுஉறு மொழியைக் கேட்டு முனிதியே, முருகு வேலோய்:

      "அழகிய வேலை உடையவனே, நீதி நூல்களைக் கற்றதனால் உற்ற
மாண்பு பூண்டும் குற்றமற்ற வேத நூலால் சிறந்த பொருள்களை உற்று
நோக்கி ஆராய்ந்தும் உனக்கு நான் உணர்த்தும் காரியம் ஒன்று உண்டு;
அதனைக் கேள்: நான் முடித்துக் கூறும் மொழி வரையிலே கேட்டு, கூறும்
எனது யோசனையின் முடிவு இழிவானதாகத் தோன்றினால், அப்பொழுது
என்னைச் சினந்துகொள்.