"தேறாத தன்மையாய் மனிதரைப் பகைத்த பேய்கள் ஒரு பக்கம்
சொரியும் மழை போல் நெருப்பைத் தூவிக் கொண்டிருக்க, மற்றொரு
பக்கம் அவர்கள் தோலை உரித்து எரித்துக் கொண்டிருக்கும்; ஒரு பக்கம்
எரியும் மெத்தைமேல் அவர்களை நீட்டிப் படுக்க வைத்து, மற்றொரு பக்கம்
உருகிய ஈய நீரால் குளிப்பாட்டிக் கொண்டிருக்கும்; ஒரு பக்கம் கரிந்து
கொண்டிருக்கும் உடல்களைத் துண்டுபடுத்திக் கொண்டிருக்க, மற்றொரு
பக்கம் தீத் திரளை உணவாக ஊட்டிக் கொண்டிருக்கும்; மற்றொரு
பக்கமோ அவை அலைந்து திரியும் உருவத் தோற்றத்தால் அவர்களை
அச்சுறுத்திக் கொண்டிருக்கும்.

 

94

வாசநெய் யென்ன வுருக்கிய வீயம்      வலித்துட லொருங்குடன் பூசிக் கோசர நீரென் றழற்புன லாட்டிக்      கொந்தெரிச் சயமெய்ப்பை போர்த்துப் பூசண மாக நச்சர வணிந்து      பூந்தவி சுச்சிவாழ் கென்ன வீசழல் விரிந்த மஞ்சமே லிருத்தி      விரகரை வருத்துவ தன்றோ