"கெட்ட மணம் வீசும் புகைத்திரளை மூக்கின் வழியாக வெளியே
ஊதி ஊதி, உலகத்தில் பொருந்தியுள்ள மலம் முதலாக நாறக்கூடிய யாவும்
அலைபோல் திரண்டு தம்மீது விடாது மோத, தீய பாவிகளும் அதனுள்ளே
மூழ்கிக் கிடப்பர்.

     நாறும் + யாவும் என்பது புணர்ச்சியில் 'நாறுமியாவும்' என வந்தது.

 

100

கோதின் வாயுளங் கோடவின் பென்றடுந் தீதின் வாய்வளர் தீயுரை கேட்டன காதின் வாய்கடுங் கோல்கடுத் தேற்றிய போதின் வாய்வழி பொங்கழ லூற்றுமால்.

"கோதின் வாய் உளம் கோடல் இன்பு என்று, அடும் தீதின் வாய் வளர் தீ உரை கேட்டன காதின் வாய் கடுங் கோல் கடுத்து ஏற்றிய போதின், வாய் வழி பொங்கு அழல் ஊற்றும் ஆல்.

     "பாவத்தின் பக்கம் உள்ளம் கோணிச் செல்லுதல் இன்பமென்று கருதி,
கொல்வதற் கொத்த தீமையுள்ள பிறர் வாயினின்று பிறக்கும்
கெட்டபேச்சைக் கேட்ட காதுகளில் பேய் சூட்டுக்கோலைச் சினந்து
ஏற்றியபோது, உள்ளே பொங்கும் நெருப்பு வாயின் வழியாக வெளிப்படும்.