"பாவிகள் நரக நெருப்பில் வேக வேக, அது முடிவு பெறாமையால்
தாம் இறந்து போதலையும் விரும்புவார்; அவ்வாறு நோக நோகவும் இறந்து
போதல் இலர்; அதனைத் தாங்கிக் கொள்ளும் ஆற்றலும் இலர்; நாட்கள்
செல்லச் செல்லப் பொறுத்தற்கரிய துயரம் சிறிதும் குறைதல்
இல்லாதவராகவும், துயரத்தைப் பொறுத்துக் கொள்ள இயலாதவராகவும்
விம்மித் தவிப்பர்:

     இவ்வாறு சூசை நரக நெருப்பின் கொடுமையை விளக்கி, நரகத்தவர்
புலம்பலைத் தொடர்ந்து சொல்லுகின்றான்.

                       நரகத்தவர் புலம்பல்

     - மா, தேமா, கூவிளம், தேமா, புளிமாங்காய்

 

113

அந்தோ வந்தோ வீட்டையி ழந்தீங் கழல்மூழ்க வந்தோ மந்தோ புன்னிமிழ் நக்கி வரைவின்றி வெந்தோ மந்தோ மாறில வேவோம் வினைமுற்றி எந்தோ மந்தோ விப்பகை யீட்டிற் றெனவார்ப்பார்.

"அந்தோ, அந்தோ! வீட்டை இழந்து, ஈங்கு அழல் மூழ்க வந்தோம்; அந்தோ! புன் இமிழ் நக்கி, வரைவு இன்றி வெந்தோம்; அந்தோ! மாறு இல வேவோம்; வினை முற்றி, எம் தோம், அந்தோ, இப்பகை ஈட்டிற்று!' என ஆர்ப்பார்.

     "ஐயோ, ஐயோ! மோட்ச வீட்டை இழந்து, இங்கே நெருப்பில் மூழ்க
வந்து சேர்ந்தோம்; ஐயோ! அற்ப இன்பத்தை உலகில் நக்கி உண்டு, இங்கே
வரையறை இன்றி வெந்தோம்; ஐயோ! மாற்றம் இல்லாமல் வேவோம்; தீய