"ஐம்புலன்களின் வழியாகப் பாவத்தைத் தரும் பொய்யான வழியைப்
போக்கி, அறம் என்னும் மெய்வழியை விரும்பி, அதன் மூலம் நரகத்திற்குத்
தப்பி உய்யும் வழியாக வேத நூல் ஒன்றே உளது.

 

144

காதல லாதுகடுஞ் சாதலி லாதுதகு மோதலொ ளித்துநர காதலும் வித்ததுவே.

"காதல் அலாது கடுஞ் சாதல் இலாது; தகும் ஓதல் ஒளித்து, நரகு ஆதலும் வித்து அதுவே.

     "ஆசையே அல்லாமல், கொடுமையான சாவு வேறு ஒன்றும் இல்லை;
தகுதியான உபதேசத்தை மறைத்து, நரகம் சேர்தற்கும் அதுவே வித்து
ஆகும்.

     'இலது' என்ற சொல் நீட்டல் விகாரம் பெற்றது.

 

145

இறந்தனர் வேகுமெரி பிறந்தன ரோர்ந்துபெறிற் றுறந்தனர் துஞ்சுளிவான் சிறந்தனர் சீர்த்துவப்பார்.