மீண்டும் சுரமி, "இசையில் மறைத்து இனிதாகத் தோன்றுமாறு நீ
சொல்லிய சொற்கள் மறுக்க மாட்டாதனவாய், கண்ணை மறைத்து இருளச்
செய்யும் மாயக் கட்டு வித்தை போலத்தோன்றும்" என்றாள். சூசையும்
தொடர்ந்து "புண்ணை வெளியே ஆறி மறையச் செய்த தன்மையால்
உட்புண்ணும் ஆறுமாயின், அதனை மாயை என்று சொல்வாயோ? உள்ளே
மறைத்து ஒளித்து வைத்துள்ள நன்மையை அதனால் விளையும்
பயன்காட்டும்" என்றான்.

 

8

சுனைவளர் குவளை யாதி      சொரிமது மலர்கள் வாடி நனைவளர் பொய்கை வற்ற      நானின்று கனவிற் கண்டேன் வினைவளர் நவங்கள் காட்டி      விரித்தநின் சொல்லைக் கேட்டுப் பனைவளர் நாடு நைந்த      பரிசிதே யென்றாண் மூத்தாள்.