"தெளிவைத் தன்னிடம் கொண்டுள்ள கண்ணாடி தன்னை அடுத்துச்
சேர்ந்தவற்றை உருவமாகக் காட்டும். அது போலவே, மயக்கத்தைத் தன்பால்
கொண்டுள்ள கனவும் மனத்தில் மிகுந்த உணர்வுகளைக் காட்டும். அவ்வாறு,
பிள்ளை மீது அருள் கொண்டுள்ள தாய் பிரிந்த தன் பிள்ளையைக் கனவில்
காண்பாள்; அச்சத்தைத் தன்னிடம் கொண்டுள்ள பேதை போர் வினைக்கு
உரிய படை தன்னை வந்து எதிர்ப்பதாகக் கனவில் காண்பான்.

     "அடுத்தது காட்டும் பளிங்குபோல் நெஞ்சம், கடுத்தது காட்டும்
முகம்". என்ற குறள் (706) முகத்திற்குச் சொன்னது கனவிற்கும் பொருந்துதல்
காண்க.

 

13

காய்ந்தவோர் சுரமெய் நொந்தார்      கடிமலர்ச் சுனைகள் காண்பார் வேய்ந்தவோர் பழியைக் கொண்டார்      வினைப்பகை முரியக் காண்பார் தீய்ந்தவோர் மிடியின் மிக்கார்      திருநல மருவக் காண்பார் வாய்ந்தவோர் பற்றல் பாலால்      வருங்கன வுருவ மாதோ.

"காய்ந்த ஓர் சுரம் மெய் நொந்தார் கடி மலர்ச் சுனைகள்                                         காண்பார்; வேய்ந்த ஓர் பழியைக் கொண்டார் வினைப் பகை முரியக்                                         காண்பார்; தீய்ந்த ஓர் மிடியின் மிக்கார் திரு நலம் மருவக் காண்பார்; வாய்ந்த ஓர் பற்றல் பாலால் வரும் கனவு உருவம் மாதோ.