வாமன் தன் பழைய சமய நெறியைக் கைவிட்டுச் சூசை அங்கு
உணர்த்தும் உபதேசத்தை நல்ல நெறியாகக் கொண்டான் என்ற
புதுமையோடு பலவற்றையும் ஆராய்ந்து பார்த்து, "எமக்கெல்லாம் தாய்
போன்றவளே, நீ உன் வழியே மீண்டு போவாயாக. நீ மகிழுமாறு எல்லாம்
செய்வேன்" என்று சுரமிக்குச் சொல்லி, விடை கொடுத்து, மேகத்தில்
தோன்றும் இடியை ஒத்த நாவகன் தன் உள்ளத்தில் சினங்கொண்டு
பொங்குகின்றான்.

                  குண்ணன் குறுக்கீடு

     - மா, - - காய், - மா, - மா, - - காய்

 

49

கள்ளார் மலர்மணமோ      கனலார் புகையோ கடுத்தொருவ னுள்ளார் வினைமுகமே      லுருவுந் தன்மைத் தவனுணர்ந்த வெள்ளார் வினையிருகட்      படமேற் கண்டா னிவன்றாதை கொள்ளா ராறிருபத்      தாண்டாய்க் குன்றாக் குண்ணனென்பான்.