அந்நிலைமையைக் கேட்டறிந்த மன்னன் வியந்து அருகில் வந்து
உள்ளே பார்த்தான்; வெப்பமான சூளையில் நாலுபேர் மெலிவில்லாமல்
மகிழ்ந்திருக்கக் கண்டான்; இந்நிலைமையால் மேலும் வியப்பு மிக
"இப்பொழுதே இங்கு வாருங்கள்!" என்றான். பசுமை நிலையிலுள்ள
மலர்போல் மூவர் மட்டுமே குளிர்ந்த முகத்தோடு அவன் பக்கம் வந்து
நின்றனர்.

 

82

நால்வருங் கண்டேன் மற்றோர்      நவியனெங் கென்ன வன்னார் மேல்வருந் திறத்தெந் தேவன்      விட்டவிண் ணவன்றா னென்றார் போல்வரு மின்றி யூதர்      போற்றிய கடவுள் மாண்பு நூல்வரு முறையின் சால்பு      நோக்கினன் மருளு நீக்கான்.

"நால்வரும் கண்டேன்; மற்று ஓர் நவியன் எங்கு?" என்ன, அன்னார், "மேல் வரும் திறத்து எம் தேவன் விட்ட விண்ணவன் தான்" என்றார். போல்வரும் இன்றி, யூதர் போற்றிய கடவுள் மாண்பும், நூல் வரு முறையின் சால்பும் நோக்கினன்; மருளும் நீக்கான்.