"கூடுகளில் உள்ள தம் குஞ்சுகளை விட்டு நீங்காது பேணும் பல
பறவை இனங்களையும், மழை மேகத்தைப் பிளந்து உண்டாகும் இடிக்கு
அஞ்சும் பெண் யானையை ஆதரவாய்த் தாங்கும் அருகில் உள்ள ஆண்
யானையையும் அங்கு வழியிலுள்ள காட்டை அணுகும் போது காண்பீர்கள்;
கண்டால், ஆதரவற்று இங்கேயுள்ள எங்களை நினையுங்கள்" என்பர்;
அதனோடு, "ஆஅ! எங்களிடம் சொல்லாமலே பிரிந்த செயல் தகாது"
என்றும் கூறுவர்.

 

19

சீலநீர்க் கருமுகில்கள்      மின்னி யார்த்துச் செய்யரவு நீலநீர்க் கடலரவு -      மெஞ்ச வெஞ்சி நெடிதழுதார் சாலநீர்க் கடன்மடையைத்      திறந்தாற் போலத் தணந்தாரைக் கோலநீர்க் கடலாமந்      நகர்நீத் தீட்டங் கொடுதொடர்ந்தார்

சீல நீர்க் கருமுகில்கள் மின்னி ஆர்த்துச் செய் அரவும், நீல நீர்க் கடல் அரவும் எஞ்ச எஞ்சி நெடிது அழுதார்; சால நீர்க் கடல் மடையைத் திறந்தாற் போல, தணந்தாரை, கோல நீர்க் கடலாம் அந்நகர் நீத்து, ஈட்டம் கொடு தொடர்ந்தார்.

     சிறந்த நீரைக் கொண்டுள்ள கருமேகங்கள் மின்னி முழங்கிச் செய்யும்
ஓசையும், நீல நிறக் கடலின் ஓசையும் குறைபடுமாறு மிஞ்சி நின்று
இரவிமாபுரத்தார் நெடுநேரம் அழுதனர்; பின், மிக்க நீருள்ள கடலின்
மடையைத் திறந்தாற் போல, அழகுத் தன்மையோடு கடலாய்ப் பரந்து