"பேரழகு பொறித்துள்ள இப்பாலைவனம் தேன் சுரக்கும் ஓர் ஊற்றை
உடையதாய், நிறைந்த நலத்துடன் இப்பொழுது பொலிவதைப் பாருங்கள்.
பின் நாளில், இப்பொழுது உள்ளதாகிய இவ்வழகையும் வாடச் செய்து, உலக
இன்பத்தைத் துறந்து இங்கு வந்து நிறைந்த தவ முனிவர் எண்ணில்லாது
தங்கியிருந்து, அதனால் உண்டான நலத்தை விரும்பி வானவரும் வந்து
சேர, இவ்வனம் வானகமே ஒக்கும்.

 

64

காவுள னாகி யென்மேற்      கருத்தில்வான் குடியன் வேத நாவுளன் றவத்தின் வாய்ந்த      நவ்வுளன் வினைநீர் நீந்தி மேவுளன் வளர்ந்தெந் நாளும்      வேண்டுமூண் காக முய்ப்பப் பாவுள னென்பா னீடப்      பறம்படி முழையுள் வாழ்வான்.