"உடுத்திக் கொண்ட தன்மையாய் உடல் கொண்டு அவதரித்து
இவ்வுலகத்தைக் காத்து அருள்பவனும், ஒளி நிறைந்த வானுலகத்தவர்
வணங்கித் தொழுபவனுமாகிய மன்னனே, இங்கு அடியெடுத்து வைத்த உன்
மலர் போன்ற அடியின் நலம் இதுவே என்று காட்டும் தன்மையாய், திரண்ட
இருட்டாலாகிய இரவு ஒளி பொருந்திய பகல் போன்ற தலைமை
அடைதலும், கடுமையான தீப்பொறி பறக்கும் இவ் வனத்து வெப்பம்
குளிருமாறு மீட்டுத் தருதலும், வருத்திக் கொல்லும் நஞ்சை அமிழ்தமாய்
மாற்றுதலும், கரையை விடுத்து வந்த கடல் அலையை நிலைகொண்டு நிற்க
அமைத்தலுமாகிய இவையெல்லாம், நீ விருப்பத்தோடு எழுந்து வந்து இங்கு
அடுத்த உன் அடியினால் விளைந்த நன்மைகளாகும்."

 

89

விதுப்பட வுருப்படு மமரர் பாத்தொடை      விளைத்திவை யிசைத்தடி தொழுது வாழ்த்துளி சதுப்பட வகுப்பொடு பரவ தாய்ப்பல      சதத்தணி யொருப்பட வெமவி னாப்படப்