"அரிய நூல்களைக் கற்றறிந்த புலவர், 'குவளைமலர் போன்று
ஒளிரும் கண்களைக் கொண்ட பெண்களுக்குக் கற்பே உரிமைச் சொத்து;
அதுவோ, பளிங்கைக் காட்டிலும் மெல்லியதாய், ஆவி பட்டாலுமே
அழுக்கடைந்து கெடும்' என்று கூறுவர் என்றாள் அவள். அவன், "கற்பு
ஆவி பட்டாலும் ஒழியும் அத்தன்மை கொண்டதாகில், வீரங் கொண்டு
அதனில் உறுதியாய் நிற்கும் வண்ணம், குவளை மலர் போன்று ஒளிரும்
நீண்ட கண் முதலிய ஐம்பொறிகளையும் காத்துக் கொள்ளுங்கள்" என்றான்.

     'பளிங்கினும் கொய்தாய், ஆவிபட்டு அழுக்குற் றொழியும்' என்ற
கருத்து 'துன்னியதோர் ஆவிபட, தூய பளிங்கு ஆசுறும்' என்று 6 : 4இல்
வந்தமை காண்க.

 

144

நகையெழ வெதிர்ந்த வின்பமைம் பொறிக ணாடலிற்                           காவலே யாற்றாப் பகையெழ வைந்தும் பரமனே முன்னாட் படைத்தெமக்                           களித்ததே தென்றாள் பகையெழ முனிந்து பழுதுற வெவையும் பருகழ                           லுமக்குவேண் டாதோ நகையெழ வுதவுந் திறத்தவை பேணி நவையுறா காமினீ                           ரென்றான்.