"அழகு வாய்ந்தவனே, சிறகுள்ள அன்னம் நீ, மலர்ந்த தாமரை நான்
என்று சொல்லத் தக்கவாறு, செறிந்த இன்பத்தோடு நாம் இருந்தோமே;
முன்னெல்லாம் விரும்பிய தேன் மணம் இல்லாத தென்று கருதி, வனத்திலே
நிலைபெற வென்று இப்பொழுது சென்றாயோ?

     'அன்னச் சிறை' என்பதனை, சிறை அன்னம்' என்று கொள்க.

 

52

இன்பீரம ருந்தியி ருந்தனையே யன்பீரம கன்றொட கன்றனையோ முன்பீரமு லாமுள ரித்துணரே பின்பீரமி லாதது பேர்குவதோ.

"இன்பு ஈரம் அருந்தி இருந்தனையே; அன்பு ஈரம் அகன்றொடு அகன் றனையோ? முன்பு ஈரம் உலாம் முளரித் துணரே பின்பு ஈரம் இலாது, அது பேர்குவதோ?

     "என் அன்பை அருந்தி இன்பமாக என்னோடு இருந்தாயே; அந்த
அன்பின் ஈரம் அகன்றதென்று கருதி என்னை விட்டு அகன்றாயோ? முன்பு
ஈரத்தில் நிலைகொள்ளும் தாமரை மலர்க்கொத்தே, பின்பு ஈரம்
இல்லாதபோது, அவ்விடத்தை விட்டு நீங்கிப்போமோ?