"மேகக் கூட்டங்கள் பொழியும் மழை தராத நாளில், மான் கூட்டம்
தண்ணீரைக் கண்டு விரும்பிஓடுதல் போல், எல்லா வகைப் பாவங்களும்
தம்மீது விழுமாறு, குற்றத்துக்கு ஆளாகிய குலமாக, மனிதர் தம் பெருமை
வாய்ந்த உயிர் தீவினைகளால் கெட்டு, காற்று நாளில் இலைக் கூட்டம்
உதிர்ந்து விழும் தன்மை போல், நரகத்தில் விழுவர்.

     பேருயிர்: பெருமை + உயிர். மனித உயிர், அழியாத ஆன்மாவைக்
கொண்டுள்ளமையின், 'பேருயிர்' எனப்பட்டது.

.     "தீய பாவங்களை விரும்பிச் செய்த மக்கள் நெருப்பு நிறைந்த
நரகத்தில் விழுவரேயென்று இரங்கி, தூய புண்ணியங்களை அவர்களுக்கு
எடுத்துக் காட்ட அணுகிச் சென்று, துன்பத்தை இன்பமாகக் கொண்டு,
அவற்றையே விரும்பி ஏற்று, அரிய வேத நெறியை எடுத்துக் கூறி,