"இறக்கும் வேலையில், பழம்பழி கொண்ட பேய் செய்யும் போரை
வென்று ஏழுமாறு, இறுதிப் பூசுதல் என்னும் தூய எண்ணெய் பூசும்
தன்மையும் தந்து, மிஞ்சிய பேரிருளை நீக்கும் விளக்குப் போல,
விதிமுறைப்படி அமைந்த குருக்களைத் தோற்றுவிக்கும் குருத்துவம்
என்ற அருட்சாதனமும் தந்து, அஞ்சத்தக்க காமக் குற்றம் இல்லாமல்
மக்கள் நெறியாய் வாழவும் திருமணத்தைத் தெய்வ அருள் தரும்
ஆதாரமாகச் செய்வேன். பாவக் கேட்டால் மெலிந்த மக்களும் இவ்வாறு
ஏழு வரங்களின் துணையை அடைந்து, அறவாழ்வில் மலை போல்
நிமிர்ந்து நிற்பர்.

     'துஞ்சிய கால்' என, எதுகை நோக்கி, இறந்த கால வாய்பாட்டாற்
கூறியிருப்பினும், பொருள் நோக்கி, 'துஞ்சுங்கால்' என' எதிர்காலமாகக்
கொள்க.

 

46

காருரு வென்னுடல் மாமலைக் கோட்டுயர்      கருணைச் செந்நீர் மழைபெய்யப் பேரொரு வெள்ளமு மோடலி லிவ்வரம்      பிரிந்த வேழா றெனவோடித்