தேன் போன்ற சொல்லையுடைய திருமகன், இவ்வாறு முப்பத்தொரு
பிரிவும் அல்லாமல், அளவில்லாத பிற நாட்டு அரசரையும் தான் அங்குச்
சூசைக்குக் காட்டி, "நான் மனம் இரங்கி, இருளை அறுக்கும் ஒரு விளக்குப்
போல இங்கு வந்து, இம் மண்ணுலகில் எடுத்துக் கூறவிருக்கும் பொய்யற்ற
ஒரு நல்ல வேத நூல், பொன் மயமான சுடரைக் கொண்டுள்ள பகலவனின்

கதிர்பட்ட இவ்வுலகமெங்கும், போர் அற்ற ஒரு முறையால் தானும்
முழுவதும் பரந்து வழங்கி வரும்" என்றான்.

                     நரக பூதம்

     - விளம், - மா, தேமா, - விளம், - மா, தேமா

 

90

பண்கடந் தினிய சொல்லான் பகர்ந்துகாட் டியவக் கோமார் கண்கடந் தியலு மாமை கண்கட வாமை நோக்கி யெண்கடந் தரிய வின்ப மீதியென் றடியைப் போற்றி மண்கடந் தமர ரொத்தான் மதுக்கடந் தலர்ந்த கோலான்.