துன்பம் தரும் நோயின் துயரம் தன் உடலைத் தாக்கிய போதே, தன்
நல்ல உயிர் மிகுதியான மகிழ்ச்சியை அனுபவித்துக் கொண்டிருந்தமையால்,
சினங் கொண்ட நெருப்பு மூண்டு எரியும் பாலைவனத்தில் குளிர்ச்சி
கொண்ட பூங்கொத்துகள் பூத்தது போன்ற தன்மையாயிற்று.

                     மரியாள் வேண்டுதல்

 

16

துகைத்த நோய்தணி வுந்தொகை யும்படா பகைத்த பான்மைப ணிப்பத மங்கைகண் டுகைத்த வேவலி லோரிரு போதது தகைத்த பின்புசி னங்கொடு தாக்குமால்.

துகைத்த நோய், தணிவும் தொகையும் படா பகைத்த பான்மை, பணிப் பத மங்கை கண்டு உகைத்த ஏவலில், ஓர் இரு போது அது தகைத்த பின்பு சினம் கொடு தாக்கும் ஆல்.

     சூசையை வாட்டிய நோய், தணிதலும் அளவுக்கு அடங்கலும்
இல்லாமல் பகைத்த தன்மையை, பாம்பை மிதித்த அடி கொண்ட
மங்கையாகிய மரியாள் கண்டு செலுத்திய கட்டளையால், ஒன்றிரண்டு
தடவை அது தடுக்கப்பட்ட பின்பு, மீண்டும் சினத்தோடு தாக்கும்.