"மிக்க தவத்தோரே, இன்னும் நான் என்ன சொல்வது? நம்
தந்தையாகிய ஆண்டவன் மனிதனாக அவதரித்து வந்தவிடத்து, நீங்கள்
முன்னே சொல்லவென்று முனைந்த அந்த நிலைகளையெல்லாம் முற்றிலும்
கடந்து ஒழித்துவிட்டானென்றால், மேலும் சொல்ல வேண்டியது ஏதேனும்
உண்டோ?" என்று, தன்னைச் சுற்றிலும் மின்னல் போன்று ஒளி வீசும்
மெய்யான வேதத்திற்கு விளக்குப் போன்றவனாகிய சூசை கூறினான்.

                 அன்னமைக்குச் சூசை கூறியது

     - விளம், - மா, - விளம், - மா, - விளம், - விளம், - மா

 

45

பேர்நல மணிக்குன் றுச்சியிற் பெயர்ந்து      பெருகிவீழ் வெள்ளமொத் தன்னான் சீர்நலத் துரைத்த திவ்விய மதுர      சீரிய தேனுரை கேட்டாங் கார்நல தவத்தோர் களிப்புறி நிற்ப      வன்புமிக் கென்மக ளீன்ற வேர்நல புதல்வற் குற்றவை யறைதி      யென்றன ளன்னமை யென்பாள்.