"நீயே கற்றுத் தர, உன் தயவு எத்தகையதென்று நன்றாய்க் கற்றுக்
கொண்டோம்; நாங்கள் செய்த பாவத்தின் தன்மையையும் கற்றுக்
கொண்டோம். இறப்பே இல்லாத நீ, எங்கள் பொருட்டு இறந்தாய்; அதன்
மூலம், எங்கள் பாவங்களையெல்லாம் போக்கி வென்று, வெற்றி
கொண்டுள்ளாய்; உனது அருள் மிகவே பெரிதன்றோ!" என்று
அப்பாதலத்தவர் கூறினர். தன் மனத்தே மிகவும் வருந்தி, தொழுது எதிரே
வீழ்ந்தனர்.

               திருமகனும் சூசையும் உயிர்த்தெழுகை

     - மா, கூவிளம், - விளம், - விளம், - மா

 

68

வாள ழுந்திய வருத்தமே கண்டுயிர் புகழுந் நாள ழுந்திய நவைவடு நீத்தெழுந் திறைவன் கோள ழுந்திய கொள்கையின் விலாவினோ டிருகை தாள ழுந்திய காயமைந் தொளிவிடத் தரித்தான்.

வாள் அழுந்திய வருத்தமே கண்டு, உயிர் புக, முந் நாள் அழுந்திய நவை வடு நீத்து எழுந்து, இறைவன், கோள் அழுந்திய கொள்கையின், விலாவினோடு இரு கை தாள் அழுந்திய காயம் ஐந்து, ஒளி விடத் தரித்தான்.

     ஆண்டவனாகிய திருமகன், அப்பாதலத்தாரின் வாள் அழுந்தினாற்
போன்ற வருத்தத்தைக் கண்டு, தன் உடலினுள் உயிர் புகவே, மூன்று
நாட்களாய் அவ்வுடலில் பதிந்து கிடந்த துன்ப வடுக்களையெல்லாம்