மெலியும் உயிரை வதைத்து உண்ணும் சோர்வு வருத்தம் தொல்லை
துன்பம் நோவு போன்ற யாவும் மறைந்தொழியவும், வாடும் உடலை
வதைத்து உண்ணும் வறுமை பசி சோம்பல் நோய் துயரம் யாவும் நீங்கி
அகலவும், மலிந்த பகையோடு பழி நிறைந்த பேய்க் கூட்டத்தின் மாறாத
மாயங்கள் சிதைந்து ஒழியவும். பொலிவோடு விளங்கும் நலங்கள் பலவும்
பொருந்தவுமாக, ஆண்டவன் ஒளியோடு இவ்வுலகில் உயிர்த்தெழுந்தான்.

     'அஞர்' முதல் 'பாசறை' ஈறாக வந்த பல சொற்களும் 'துன்பம்' என்ற
ஒரே பொருளைக் குறிப்பன, மருவ' என்பது, செய்யுளோசைப் பொருட்டு
'மருகுவ' என நின்றது.

                   மரியாளுக்குக் காட்சி

     - விளம், - மா, - மா, - காய்

 

81

வானக முதலெவ் வுலகும் வாழ்ந்துவப்ப மீனக வுருவுற் றெழுந்த மெய்த்திறலோன் றேனக மொழியா டன்னைச் சீர்த்துயிர்த்தா டானக மற்றச் சவையோ டாங்கெழுந்தான்.