களிப்போடு இவை நிலைபெற நிகழ்கையில், வானுலகில் வாழும்
சூசை இம்மண்ணுலகிலும் அரசு பெற்றானென்று தெரிந்து, வானவர்
அவ்வுலகின் அரசர்கள் அவனைக் காண வந்து திரண்டாற் போல, கதிர்
பொருந்திய தம் உருவம் மின்னக் காட்டி, அங்கு நின்ற மக்கள் யாவரும்
வியந்து தம் கைகளை அசைத்துநிற்க, தேனைப் பொழியும் பல
மாலைகளைப் பொன்னாலாகிய நல்ல கலன்களில் இட்டுக் கொணர்ந்து,
இவ்வாறு சொல்லலாயினர் :

 

131

வான் மேல் மகுடம் புனைநாளில்      வரமா தவன்றன் கொடிபூத்த தேன்மேற் றளம் பா றறுநூறு      சேர்ந்த மூவைந் திருமணிப்பூ நூன்மேன் முறைநை யாதொடுத்த      நுண்மண் ணாறா றணியிதென மீன்மேல் விளங்கும் வளன்பதத்தில்      விரும்பிச் சாத்தி மீண்டுரைத்தார்.

"வான் மேல் மகுடம் புனை நாளில், வர மா தவன், தன் கொடி                                         பூத்த, தேன் மேல் தளம்பு, ஆறு அறு நூறு சேர்ந்த மூ ஐந் திரு                                         மணிப் பூ, நூல் மேல் முறை நையா தொடுத்த நுண் மண் ஆறு ஆறு இது"                                         என மீன் மேல் விளங்கும் வளன் பதத்தில் விரும்பிச் சாத்தி, மீண்டு                                         உரைத்தார்