''விண்ணுலகம் முதலிய மூன்று உலகங்களையும் அசைக்கும் வலிமை
மிக்க ஆண்டவன் என்னிடத்து உறுதியான நன்மை வளங்களைச்
செய்தமையால் அவனது திருப்பெயரே புகழப்படுவதாகும். அன்பால் தனக்கு
இணையற்று, நற்குணங்களெல்லாம் ஒன்றாகத் தன்னிடத்துக் கொண்ட
ஆண்டவன் விருப்புற்று எந்நாளும் முறை தவறாமல், மண்ணுலகில்
தன்னைத் தொழுது அஞ்சி நடக்கும் மக்களுக்கே அருள் செய்வான்.

 

42

கேழ்வார் தடக்கை வலிகாட்டிக்      கிளர்தீ யுணர்விற் செருக்குளத்துச் சூழ்வார்ச் சிதைத்தான் வயத்துயர்ந் தோர்த்      துகள்செய் நிவப்பி னூக்குகின்றான் றாழ்வா ருயர்த்தான் பசித்தயர்வார்ச்      சால நிறைத்தான் றிருமல்கி வாழ்வார் வறியோ ராக்குகின்றான்      மாறா நீதி வயமிக்கோன்.

''கேழ்வார் தடக்கை வலிகாட்டிக் கிளர் தீ உணர்வின் செருக்கு                                  உளத்துச் சூழ்வார்ச் சிதைத்தான்; வயத்து உயர்ந்தோர்த் துகள் செய்                                   நிவப்பின் நூக்குகின்றான்; தாழ்வார் உயர்த்தான்; பசித்து அயர்வார்ச் சால நிறைத்தான்;                                  திருமல்கி வாழ்வார் வறியோர் ஆக்குகின்றான், மாறா நீதி வயம் மிக்கோன்.