எந்நூல் நோக்குதற்கும் பொதுவான கருவிகள் | 8 | சூத்திரம் சிலசில நோக்குதற்கு அரிதேல்
முன்பின் பார்த்துப் பின்பே நோக்குக1 ;
விதிகளில் சிலசில வெளிப்படா ஆயின்,
உபலக் கணத்தினை ஓர்ந்தே உணர்க2 ;
தாம்முன் அறிந்ததற்கு ஈதுமா றாயின்
எந்நூல் விதியோ எனவே எண்ணுக3 ;
சிலநாள் பழகின் சிலவும் பலியா,
பலநாள் பழகின் பலிக்கும் என்க4 ;
விரைவால் பார்க்கின் தெரியாது ஒன்றும்,
விரையாது ஏற்கின் கருகாது என்க5 ;
வருவதில் கருத்தினை மட்டுப் படுத்தி’
வந்ததில் சிந்தையைச் சிந்தாது இறக்குக6 ;
நூலினை மீளவும் நோக்க வேண்டா,
சூத்திரம் பல்கால் பார்க்கவே துணிக7 ;
மாரிபோல் கொடுப்பினும் மந்தனைவிட்டுக்
கூரிய னுடனே கொத்தும் பழகுக8 ;
வேறுஒரு கருமத் தினைமனத்து எண்ணின்,
ஆரியன் ஆயினும் அப்பொழுது ஒழிக9 ;
சொல்பயில் விப்பவன எப்படிச் சொற்றனன்’
அப்படி ஒழுகி, அரும்பொருள் பெறுக10 . | | |
இதுவும் அது! வியங்கோள் பத்தும் கருவியாகலின். ஆயின் அக் கருவியோடு சேர்க்காது பிரித்தது என்னெனின், அவை இந்நூற்கே. இவை இந்நூற்கும் எந்நூற்குமே; அன்றியும் அத்துணை நுட்பமன்று என்க. | 1 | சூத்திரம் சிலசில நோக்குதற்கு அரிதேல்
முன்பின் பார்த்துப் பின்பே நோக்குக |
சில சூத்திரவிதி கருகிற்றாயின், அப்பொழுது அழுந்தற்க. அந்நூலின் முன்பின்னாவது, தாம் முன்பே கண்ட நூற்கண்ணாவது, பின்பு கற்கும் நூற்கண்ணாவது அவ்விதி வெளிறிக் கிடக்கும். அதுகண்டு தெளிந்து பின்பு அழுந்துக. |