(இ - ள்.) பல வேதுக்களாற் றுணிதல்செய்யாத (நிச்சயிக்காத) அறிவு புறத்தின்கண்ணன்றி அகத்தின்கண்ணே நிறைந்த ஆராய்ச்சியினை யுடையவரே. வீராட்டகாசத்தின்கண்ணுள்ள தலைவரும் விரும்பத்தக்க அழகாகிய மான், வேங்கை, சிங்கம், பன்றி முதலிய விலங்கினங்களை எய்தீர். அவைகள் இவண்பொருந்தின் யாங்கள் நோயுழந்து உயிர்மாய்தலை யன்றிப் பிழைத்தலும் உண்டோவென்றா ளென்க.

(வி - ம்.) அணி - அலங்காரமுமாம். உழத்தல் - வருந்தல். மெய்ப்பாடு : நகை. பயன் : செவ்விபெறல்.

(237)

பேதைமையூட்டிய பெய்வளைத்தோழிக்குக்
காதலன் பொருந்தக் கட்டுரைத்தல்

அஃதாவது தனதறியாமையை வெளிப்படுத்திய தோழிக்குத் தலைவன் அவளியையு மாற்றானுறுதிச் சொற்கூறல்.

(இ - ள்.) விலங்கினங்கள்மாட்டுக் குறைதலிலவாகிய ஒப்பற்ற வேட்டத்தினைச் செய்யாநின்ற எனது நெஞ்சமும் உருகும்வண்ணம் செலுத்தப்பெற்ற காதளவோடுகின்ற அரிபரந்த கண்ணாகிய வேற்படையையுடைய முகத்தினையுடையவர்களே. (வெயிலான்) கருகா நிற்கக் கையினிடத்து வைத்துள்ள தளிர்பாய்தலான் கலக்கமுற்று உங்களுயிரை யுண்ணும்பொருட்டு விரைவுற்றுவந்த மாவினைக் கண்டச்சங்கொள்வீரென யாமறிந்தில மென்க.

(வி - ம்.) பல்லவம் - தளிர். கடுகிய - விரைந்த. மா - மிருகம். மெய்ப்பாடு : நகை. பயன் : செவ்விபெறல்.

(238)

பிணைநடைத் தலைவியைப் பேதைமையூட்டித்
துணைமுலைப்பாங்கி துணைவனையகற்றல்

அஃதாவது தன்னைப் பேதைமையூட்டிய தோழி தலைவிக்கும் பேதைமையூட்டிப் புனங்காக்கும்பொருட்டுப் பல உயிர்களையும் வருத்துகின்றவள் உன்றோள் மெலிவெங்ஙன மறிகிற்பாளெனக் கூறியகற்றல்.