(இ - ள்.) நறுமணத்தைத் தன்னிடத்துக்கொண்ட குழலினையுடையாய்! நம்முடைய தலைவர் அழகிய தேர் ஐம்பொறியினின்றும் நீங்கி இறைவனிலைடையராய் நின்ற புருடனைப்போல வழியினைக் கடந்து வருவதனை நீ காண்பாயாக. யாம் அவர் நீண்ட சோலைக்கண்ணுள்ள குறியிகிடத்தினின்றும் நீங்கிச் சுழலுதலைக் கண்டு அடைவோமாக வென்றன ளென்க.

(வி - ம்.) காண்டிசின் என்பதில், காண்:பகுதி, இசின்:அசைநிலைது:சாரியை. காண் - காண்பாய் முன்னிலை யொருமையாய் விகுதி புணர்ந்து கெட்டது. நாம் குறியிடத்து நீங்கி நின்னைக் காணாமையால் அவ்விடத்தவன் அலமருதலை யொளிந்திருந்து காண்போம் என்றனள்புருடன் - ஆன்மா. நெறிவயீனீந்தி - (நம் புனத்தின் கட் செலற்குரிய பல கவர்ந்து ) வழியிடத்தையென்க. அவன் அலமருதரலக் கண்டு பின்னர்க் குறிவயிற் செல்வாமென்பது குறிப்பெச்சம். மெய்ப்பாடு:அச்சத்தைச்சார்ந்த பேருமிதம். பயன் : தலைமகன் அலமரல்காண்டல்,

(316)

தாமஞ் சான்ற தாழ்குழற் கிழவி ஏமஞ் சான்ற உவகைக் கிளவி

அஃதாவது புனத்தின்கண்ணுள்ள பலகவர்த்த வழிகளையும் நீங்கித் தலைவன் தேர்வருதலை யுணர்ந்த தலைவி, அணிகலன்களையணிந்ததோழியே! இவ்வுலகத்து மக்களிலொருசாரார் தம்முயிரையும் உடலையும் வருத்துகின்றனர்; தாங்கள் விருந்தினும் பிறர்க்குத் துன்பஞ் செய்யாமை அமரர்க்குரிய நற்பண்பாகும். இவ்விரு பகுதியாருள் நாம் குடத்தினுள் வைத்த சுடர் ஒளியிழந்திருக்குமாறுபோல ஒளியிழந்திருத்தலையறிந்து பொழிற்கண் வந்து தண்ணளிசெய்த நந்தலைவர் எத்தன்மையராவர் என்று கூறாநிற்றல்.

(இ - ள்.) இவ்வுலகத்து மக்களுள் பலர் தாங்களே தங்களுயிரினையும் உடலினையும் வாட்டுகின்றனர். தாங்கள் துன்புறினும் பிறர்க்குத் துன்பஞ்செய்யாமை அமரர்க்குமரிதாகும். இவ்விரு பகுதியினருள் நாங் குடத்தினுளேற்றிய சுடர் ஒளியிழந்திருக்குமாறுபோல நாம் நலனிழந்திருப்ப அஃதறிந்து தேன்பொருந்திய சோலையிக்கண் இன்பினைத் தந்தவர். இவ்விருபகுதியினருள் எத்தன்மையராவர் என்றாளென்க.

(வி - ம்.) உயிரினையும் உடலினையும் வருத்துமவர் துன்பமேயன்றிச் சுகமுணரார். அமரர் சுகமேயன்றித் துக்கமுணரார். நந்தலைவர் நந்துக்பினையுணர்ந்து நமக்கின்பினையளித்தலின் அவ்விருபகுதியினர்போலாது அவரினும் மேம்பாடுற்றவர் என்பாள். ".தேமேவிரும்பொழி னல்குநரென்னர் திருந்திழையே" என்றனள். என்னர் - மெய்ப்பாடு : பெருமிதம். பயன் : புகழ்ந்துரைத்தல்.

(317)