இயவை யினைத்தென் றயர்வு நீக்கல்
(தலைவன் கூற்று)

(இ - ள்.) பூவை போல்வாய்! திருவல்லம் என்னும் எம்பிரானுடைய திருப்பதியின் அணித்தாக ஒருசார் உள்ள நுங்கள் மலைகாட்சியினின்றும் மறைவதாயிற்று. இனிச் செறிந்த நோயான் மெலிந்தோரும் விரைந்து சென்று சேருமாறு அணித்தாகிய தொடர்புபட்ட திருத்தணிகை மலைக்கு யாம் செல்லத் தொடங்குவேமாயின் மெல்ல மெல்ல நடப்பினும் ஞாயிறு மேலைக்கடலில் மறையுமளவில் அம் மலையை அடைவேம்.

(வி - ம்.) வல்லம் - தொண்டை நாட்டில் ஒருசிவதலம்.

(582)

திகழ்வரை காட்டி மகிழ்சிறப் பித்தல்
இதுவுமது

(இ - ள்.) தமக்கு உவமை யாகாமையான் எத்தகைய மலையும் மாட்சிமை குன்றிப் போதலின் குன்றுகள் என்று பெயர் பெறுதற்குக் காரணமான பரிய முலைகளையுடைய நங்கையே! இதோ தோன்றும் இம்மலை கடிகை மலையாகும், அதோ நம்மெதிரே விளங்கித் தோன்றும் அந்த மலையே நமது திருத்தணி மலையாகும், இதோ கிடக்கும் இந்த அழகிய யாறு அத் திருத்தணிகை மலையின் பக்கத்தே ஒழுகுவதுகாண்.

(வி - ம்.) கடிகாசலம் - கடிகைமலை. இக்குன்று அக்குன்று என்னும் சுட்டுகள் அண்மையும் சேய்மையும் குறித்தன.

(583)

கண்டோ ரயிர்த்தல்
(கண்டோர் கூற்று)

(இ - ள்.) இத்தலைவனை இவனுடைய சிவந்த அடிகளாகிய தாமரை மலர் தம்பால் ஒளிபொருந்திய மணியிழைத்த முடிக்கலன்கள் உராய்ந்த