(இ - ள்.) அம்மண்டபத்தின் நடுவிடத்தே வேலேந்துந் தலைவனாகிய முருகப்பெருமானுக்கெனத் திருப்பாற் கடலிடமெங்கும் பசிய பொன் தாமரை மலர் நெருங்கி மலர்ந்திருந்தாற் போன்று பொலிவுறும் படி ஒளி நிரம்பிய ஓர் இருக்கையினை அமைத்தனன். மேலும் பல்வேறு திறப்பட்ட அமரர் முதலியோர்க்கும் அவரவர் தகுதிக்கேற்ற பல்வேறு இருக்கைகளை அமைத்தான்.

(வி - ம்.) கஞலிற்று - நெருங்கிற்று. பொற்ப - பொலிவுற. செம்மல் - முருகன்.

(13)

(இ - ள்.) இறைவனருளிய ஆகமநூன்முறைப்படியே, கண்ணாடி போன்று திகழா நின்ற அழகிய வேள்விமேடையும் ஒளி பொருந்திய நிறம் பலவற்றைக்கூட்டி ஒளிராநின்ற கும்ப மண்டிலங்களும், நிறமுடைய மேகலைகளும் விளங்காநின்ற குண்டமும் ஆராய்ந்து இயற்றா நின்றான்.

(வி - ம்.) கண்ணடி - கண்ணாடி. மண்டிலம் - கும்பம் வைக்கும் வட்டம். மேகலை - குண்டத்தைச் சுற்றியிடும் வளையம்.

(14)

(இ - ள்.) சுவர்கள் சந்திரகாந்தக் கல்லினாலியற்றி அந்த நெடிய சுவர்களெங்கும் சித்திரவரிசைகளை மணிகளாலே அமைத்து வந்தும் உலாவியும் போகாநின்ற பொறிப்பொம்மைகளை வேண்டுமிடமெல்லா மியற்றினன்.

(வி - ம்.) இந்து - திங்கள். பித்திகை - சுவர். பந்தி - வரிசை. பாவை - பொம்மை.

(15)