(வி - ம்.) இழுது - நெய். கழைப்புனல் - கருப்பஞ்சாறு. பூசுபு - பூசி.

(99)

(இ - ள்.) குங்குமக் குழம்பு கலக்கப்பட்டு நிறமுடைய மணித்திரள் எவ்விடத்தும் அழுத்தப்பட்டு ஒளியுடைய பூங்கொத்துகளையும் உடையவாகிய வீதிகள், ஒளிமிகும் பொன்தகட்டின்மேல் பல்வேறு மணிகளை அழுத்தி முளைபோன்று தோன்றச்செய்ததோடு அழகினை யுடையவாயின.

(வி - ம்.) களி - குழம்பு. குரு - நிறம். இணர் - பூங்கொத்து. அங்குரப்படுத்தல் - முளையிடுதல்.

(100)

(இ - ள்.) அந்நகரத்தே உண்டான ஆரவாரத்தானே வெவ்விய ஆற்றலுடைய சிங்கம் புலி முதலிய வல்விலங்குகள் அஞ்சி ஓடிப் போனவை, மீண்டும் வராதபடி, வாயிலை அடைத்தாற்போன்று சிந்தாநின்ற பொற் சுண்ணங்களை இளந்தென்றற் காற்றுத் தள்ளிக்கொண்டு போய்க் குகைகளை எல்லாம் தூர்த்தது.

(வி - ம்.) உந்துபு - தள்ளி. கந்தரம் - குகை. வெரீஇ - வெருவி ; அஞ்சி. பெயர்ந்தன - பெயர்.

(101)

(இ - ள்.) பொன்மலை என்றும் மணிமலை என்றும் நீலமணித்தென் மலை என்றும் ஒவ்வொன்றும் ஒவ்வொரு சிறப்புப் பெயரே பெற்றுள்ள நல்ல மலைகள் எல்லாம் நாணும்படி இத்திருத்தணிகைமலை பொன் சொரியும் பன்மணிமலை யென்று உலகோர் பாராட்ட வீறுடன் நின்றது.

(வி - ம்.) நீன்மணி - நீலமணி. நீன்மணித் தென்மலை என்றது - நீலகிரியை. சிலம்புபறம்பு என்பன மலை என்னும் பொருளன.

(102)