(இ - ள்.) மூங்கிலையொத்த தோளையுடைய உமையன்னையார் ஒருபகுதியிலே வரவும் சினக்கின்ற இலையினையுடைய சூலப்படையை யுடைய இறைவர்க்கிறைவனாகிய சிவபெருமான் பரவிய உருத்திரர்கள் தன்னைப் புடைசூழ்ந்து வாராநிற்பவும் அத்திருமண மண்டபத்திலே புகுந்து ஓர் அகன்ற இருக்கையின் மிசை வீற்றிருந்தருளினான்.

(வி - ம்.) காயிலைச்சூல் : வினைத்தொகை. சூல் - சூலம்.

(113)

வேறு

(இ - ள்.) மிகுந்த ஒளியினையுடைய கவுத்துவமணிமாலை நிலை பெற்று அழகுதிகழாநிற்கும் மலைபோன்ற மார்பினையுடைய திருமால் இந்திரனும் குற்றமற்ற ஏனைத்தேவர்களும் தனக்குக் குற்றேவல் செய்யா நிற்ப முருகவேளை வணங்கி அழகிய பலவகை மணிகளும் பதிக்கப்பட்ட தொரு மண்டபத்தின்கண் ஒளிமிக்க ஓர் அணையிலே எழுந்தருளச்செய்து வானகங்கை முதலிய பல புண்ணிய நீர்களானும் மந்திரமோதி நூன்முறைப்படி திருமுழுக்காட்டினன்.

(வி - ம்.) மறு - குற்றம். கொந்து - பெருமை. கவுத்துவம் - திருப்பாற்கடலிற் பிறந்ததொரு தெய்வமணி. மார்பன் - திருமால். மனு - மந்திரம்.

(114)