(இ - ள்.) பின்னர் இவ்வாற்றால் வளரா நின்ற சிவாக்கினியை ஈன்றருளிய அம்மையப்பரைப் பிரமதேவன் தனது நெஞ்சத் தாமரை மிசை எழுந்தருளப் பண்ணி மலர்கள் தூவி அருக்கிய நீர் தெளித்துப் பின்னர் கட்டுதலமைந்த ஓமகுண்டத்து மேகலையினது கீழ்த்திசை தொடங்கி நாற்றிசையிலும் தருப்பை பரப்பி நிரலே பிரமதேவன் திருமால் உருத்திரன், அநந்தேசுவரன் என்னும் நால்வரையும் எழுந்தருளப் பண்ணி,

(வி - ம்.) வரதர் - அம்மையப்பர். உதகம் - நீர். கஞ்சன் - பிரமன். துளவினன் - திருமால். அனந்தன் - அனந்தேசுவரன்.

(167)

(இ - ள்.) பரிதி என்னும் மூன்றாமேகலையைச் செய்து அதன் மேலாக இந்திரன் முதலிய எட்டுத் திசை காவலர்களையும் அவரவர்க்குரிய திசையின்கண் மேன்மையுண்டாக இருத்திப் பின்னர் நெய்தூவுதற்குரிய சுருக்குச் சுருவங்களாகிய துடுப்புகளையும் நெய்யையும் தூய்மை செய்து அச்சிவாக்கினியின் நெஞ்சத்தாமரையின்கண் பரமசிவனை எழுந்தருள்வித்து வணங்கிப் பலவாகிய ஆகுதிகளையும் செய்தனன்.

(வி - ம்.) பரிதி - மூன்றாமேகலை. பண்ணவர் - தேவர். தூம் - தூவும். கருவி - சுருக்குச் சுருவங்கள். பல்ல - பல.

(168)

(இ - ள்.) இவ்வாறாக ஓம்பப்பட்ட அவ்வேள்வித்தீயின் மேற் றிசையிலே இடப்பட்ட இருக்கையின்மீது மணமக்களாகிய முருகப் பெருமானையும் வள்ளிநாயகியாரையும் இருக்கச் செய்து அவர்க்குத் திருமணக்கூறையும் மணங்கமழும் மலர்மாலைகளும் மந்திர மோதிக்கொடுத்துப் பிரமதேவன் இடையிடையே முற்கூறிய பொங்குதலை யுடைய வேள்வித் தீயினை வளர்ப்புழி முருகப்பெருமான் வள்ளிநாயகியாரின் நெஞ்சத்தைத் தன் திருக்கையானே தொட்டருளினன். பின்னர்ச் சிவபெருமானும் உமையம்மையாரும் வழங்குவதாகப் பாவித்து மது வருக்கத்தை ஏற்றருளினன்.