(இ - ள்.) வருணன் நறுமண மூட்டிய மெல்லிய பனி நீரை எம் பெருமான் திருமேனியிற் றூவும் செயலிலீடுபட்டனர். குற்றமற்ற அவ்வருணனுடைய நகரின்கண் வாழுந் தேவர்கள் அத் திருத்தணிகைமலை இழுக்கலுறும்படி நீர் வீசுந் துருத்தியால் மணநீரைத் தூவா நின்றனர்.

(வி - ம்.) விரை - மணம். புனல் அரையன் - வருணன்.

(191)

(இ - ள்.) ஞாயிற்றுத் தேவனும் அவன் உலகில் வாழும் தேவர்களும், மலர்மாலை தூக்கிய குடை வகைகளையும், ஆல வட்டத்தையும் பொருந்திய சாந்தாற்றியையும் அழகிய மேற்கட்டியினையும் கைக் கொண்டனர்.

(வி - ம்.) சாந்தாற்றி - சிற்றால வட்டம் என்னும் விசிறி. வெள்ளை - மேற்கட்டி. பானு - ஞாயிறு.

(192)

(இ - ள்.) குற்றமற்ற குணத்தகுதியுடைய கந்தருவர் தம் மகளிரொடும் ஞானவொளி படைத்த நாரதன் என்னுந் தூய முனிவரின் கூற்றிலடங்கிப் பேரியாழ் முதலிய இசைக்கருவிகளை எல்லாம் பண்ணுறுத்திக் கொண்டு எம்பெருமானுடைய வளவிய திருப்புகழைப் பாடா நின்றனர்.

(வி - ம்.) சோதி - புகழுமாம். ஆதியாழ் - பேரியாழ். யாழினோர் - கந்தருவர்.

(193)