(இ - ள்.) வடகிழக்குத் திசையின்கண் வாழா நின்ற வாழ்க்கையையும் இமிலையுடைய தெய்வ விடையினையும் நெற்றிக் கண்ணையும் உடைய அறவோனாகிய ஈசானன் மாலையணிந்த தன் மார்பின்கண் இரண்டு கைகளையும் கட்டிக்கொண்டு எம்பெருமானுடைய அழிவற்ற விருதுகளைக் கூறி வந்தனன்.

(வி - ம்.) ஈசானன் என்னும் திசைக்காவலன் விருது கூறினான் என்க. விருது - வெற்றிப்புகழ்.

(198)

(இ - ள்.) வடதிசைக் காவலனாகிய குபேரன் எம்பெருமானுடைய வலப்பக்கத்தே நின்று பாக்கும் வெற்றிலையும் திருக்கையி லீந்தனன். இடப்பாகத்தே அச்சந்தரும் வேலினையுடைய கூற்றுவன் பொன்னாலியன்ற படிக்கத்தைக் கைக்கொண்டு வாராநின்றனன்.

(வி - ம்.) சோமதிக்கு - வடதிசை. பாகு - பாக்கு. அடை - வெற்றிலை. படியகம் - படிக்கம் - எச்சி லுமிழ்கலம். தருமன் - கூற்றுவன்.

(199)

(இ - ள்.) சிவபெருமானுடைய அருட்பணியை மேற்கொண்டு தேவர்களாற் புகழப்பட்ட போர்த்தொழின்மிக்க களத்தின்கண் தோகையை யுடைய பெரிய மயிலாகி எம்பெருமானைச் சுமந்த தேவேந்திரனே தோட்டியையுடைய வலவனாகி யானையை நடத்தாநின்றனன்.

(வி - ம்.) மாகர் - தேவர். ஞாட்பு - போர்க்களம். தோன்றல் - ஈண்டிந்திரன். ஏக நாயகன் - சிவபெருமான்.

(200)

வேறு