| (வி - ம்.) சிலதியர் - பணிமகளிர். அமளி - பாயல். தேவர்கள் நோக்கான் இன்ப நுகர்வர் என்பது தோன்ற உருவாலின்பம் விளைத்து என்றார். (261) | | சென்றமுந் நாளும் வெவ்வே றுருக்கொடு திளைத்தா யென்னே | | | என்றமா துவப்ப வண்ண லிறுக்குமம் மூவர் மாட்டும் | | | ஒன்றுவித் துலகோர் மாதை யுறுவது முறையால் யாமே | | | மன்றலங் குழலா யன்னார் வடிவெடுத் தமர்ந்தா மென்றான். |
(இ - ள்.) வள்ளிநாயகியார் "பெருமானே ! சென்ற மூன்று நாளும் வெவ்வேறு வடிவங்கொண்டு தழுவினை அதற்குக் காரணம் யாதென வினவ, அந்நாயகியார் மனமுவக்கும்படி பெருமான் "தேவீ ! உலகினர் அம் முதல் மூன்று நாளும் தம் மனைவியரை அத்தெய்வங்களோடு புணர்வித்துப் பின்னரே தாமருவுவது வேத முறையாகும். ஆதலால் அவ்வேதமுறை நன்கு மதிக்கப்படல் வேண்டும் என்று யாமே அத்தெய்வங்களாகித் தழுவினேங்காண் என்று
விளக்கியருளினன். (வி - ம்.) மாது - வள்ளி. இறுக்கும் - விடைகூறுவான். மூவர் திங்கள், கந்தருவன் தீ என்னு மூவர். ஆல் : அசை. அமர்ந்தாம் : இடக்கரடக்கு. (262) | | திருமணம் புரிந்து வைவேற் சேவக னுலகுக் கெல்லாம் | | | பெருகுமங் கலங்கள் செய்த பெற்றியிற் றன்னஞ் சொற்றாம் | | | உருகிய முழுவ லன்பி னுறுவர்கா ளமரர்ப் போக்கிக் | | | கருணையங் கடவுண் மாதர் கடாவிடை நடாவல் செய்வாம். |
(இ - ள்.) நெகிழ்ந்த உழுவலன்புடைய துறவீரே ! இதுகாறும் கூர்த்த வேற்படையினையுடைய முருகப்பெருமான் உலகங்கள் எல்லாம் உய்யும் பொருட்டுப் பெரிய திருமண விழாச் செய்த செய்தியைச் சிறிது கூறினேம். இனிப் பேரருட் பிழம்பாகிய அப்பெருமான் தேவர்களைப் போக்கி மாதரோடு நிகழ்த்திய வினாவிடையினைக் கூறுவேம் கேண்மின். (வி - ம்.) தான் திருமணஞ் செய்து இல்லறத் தமர்தல் எல்லா வுயிர்களும் அங்ஙனம் ஆணும் பெண்ணுமாய் அறத்தமர்ந்து இன்புறுதற் பொருட்டாகலின் "உலகுக் கெல்லாம் பெருகு மங்கலங்கள் செய்த பெற்றி" என்றார். கடா - வினா. (263) வள்ளிநாயகி திருமணப் படலம் முற்றிற்று. |