பொருள் கொள்க, 'ஓத' என்பதன் இறுதி அகரம் தொக்கது. ஒற்றித்து - ஒன்றாகச் சேர்த்து. மாதர் - அழகு. காவிவரை - திருத்தணிகைமலை. 'வரைத்தலை' - தலை : ஏழனுருபு.

மன்னன் நீவி ஒருவித் தனது பதத்து ஒற்றித்து உணர்த்தினான் என்க. ஒருவனுக்குத் தன்னைப் பற்றிய அறிவு (உடம்பேதான் என்னும் அறிவு) இருப்பின் அது வீடுபேற்றுக்குத் தடையாகும் என்பது கருத்து.

(7)

(கு - ரை.) மன்னும் அண்டமும் - நிலைபெற்றுள்ள உலகமும் போர்த்தது - சூழ்ந்துள்ளதாகிய. நீரும் - கடலும். பூதமும் யாவையும் - ஏனைய அனல், வளி, வான் ஆகிய பூதங்களும் பிற பொருள்களும்.

தணிகைக் குமரன் அண்டமும், நீரும், பூதமும், யாவையும் தன்னது ஆணையில் தங்க நிறீஇயினான் என்க.

(8)

(கு - ரை.) குமரர் - இளமைப் பருவமுடையோர். புறம் - முதுகு. அமரர் - தேவர். பொன்றினும் - இறந்தாலும். சமரம் - போர். புராதனன் - பழமையானவன். நந்தல் செல்லா - அழிவு இல்லாத.

நமரங்காள், குமரராய்க் கிழவராய் அனைவரும் பொன்றினும் தணிகைப் புராதனன் நந்தல் செல்லாக் கடவுளே ஆவன் என்க.

(9)

(கு - ரை.) கடவுளர் - தேவர். மாந்தர் - மக்கள். வானவர் - தேவர். படர் வினைப்பயன் - தன்னைச் செய்தவர்களைவிடாது தொடர்ந்து வரும் வினையின் பயன்.

கடவுளாயவர் மாந்தராய். மாந்தர்கள் வானவராய் உற வினைப்பயன் நல்கும் பராபரன் தணிகை இறைவனே ஆவான்.

(10)