(கு - ரை.) இறை கொண்டு - வழிபடு கடவுளாகக் கொண்டு. மகவான் - இந்திரன். விரிஞ்சன் - நான்முகன். மாயன் - திருமால். நறை - தேன். நறுமணம். நவை - குற்றம். நாளும் முயல - நாள்தோறும் வழிபாடு செய்துவர. மறை - வேதம். சோதி மயம் - ஒளி வடிவம்.

மாயன் முதலோர் மலர் தூவி நவை சிந்தி நாளும் முயல வெளிநின்ற ஆறுமுகவன் மறை கண்டிலாது தடுமாற மல்கு சோதி மயமே ஆவான். 'ஆவான்' என்பது வருவித்து உரைக்கப்பட்டது.

(11)

(கு - ரை.) மயன் - அசுரத்தச்சன். சமழ்ப்ப - நாண. மொய்த்து - செறிந்து. வியன் ஆலயங்கள் - பெரிய கோயில்கள். பம்பி - நெருங்கி. அணவி - பொருந்தி. மீ - மேல். அயன் - நான்முகன். பதம் - பதவி, உலகம்.

உலகும் சமழ்ப்ப மொய்த்து ஒழுகி துன்றி பம்பி அணவி அடுத்த தணிகைச் சிலம்பு வைகு புகழோன் பதங்க ளவை வைத்து வாங்கும் ஞான முதலே என முடித்துப் பொருள் கொள்க.

மொய்த்து ஒழுகி துன்றி பம்பி அணவி என்னும் சினைவினை எச்சங்கள் அடுக்கி முதற்பொருளின் செயலையுணர்த்தும் 'அடுத்த' என்னும் பெயரெச்சத்தைக் கொண்டுமுடிந்தன.

(12)