மேனி மாசு முழுக ஒரு காளை ஆகி அடியில் வீழ்ந்து இறைஞ்சி நின்ற இளையோன் இன்பம் நல்கும் இன்பவுருவே என இயைத்துப் பொருள் காண்க.

(16)

(கு - ரை.) உருமல்கு - அழகு மிக்க. பருமித்த - பருத்த. உளை - பிடரி மயிர். வாசி - குதிரை. முனைவோர் - காலாட் படைஞர். அமர் - போர். குரு - ஒளி. மல்குமாறு - நிறையுமாறு. தேர்ந்த - ஆராய்ந்து உண்மையை உணர்ந்த.

மல்கி ஈன்ற அமராட்டுகந்து அவுணரை வேலின் உயிர் சூன்று தின்ற காவி வெற்பின் உரவோன் புவியோர்க்குப் பொருள் நல்கு பொருள் என்ப புலவோர் என முடித்துப் பொருள் காண்க. 'உரவோனை' என இரண்டனுருபு விரிக்க. 'வலாரி தலாரி எனும் சூர்மா மடியத் தொடுவேலவனே' என்பதனாலும் சூரன் முதலிய அவுணரை வேலால் கொன்றது உணர்க.

(17)

(கு - ரை.) புலவோர் - தேவர். விடமுண்டு காத்த புலவோன் - சிவபெருமான். அவன் மெய்குலவு ஓர்மகள் : உமையம்மையார். நடுவண் - நடு. குழமேனி - இளமையுருவம். பானு - கதிரவன் . நலம் மேவும் எச்சம் - நன் மக்கட் பேறு.

புலவோன் தனக்கும் ஓர் மகட்கும் நடுவண் குழமேனி கொண்டு வளரும் காவிவெற்பினுரவோன் எச்சம் உலகோர்க்கு அளிக்கும் நலன் என்று மறை அரற்றும் என முடிவு கொள்க. ஈண்டும் 'உரவோனை' என இரண்டனுருபு விரிக்க.

(18)