(கு - ரை.) வல்ல மாதவர் - எண்ணியவற்றை எண்ணியாங்கு இயற்றவல்ல முனிவர்கள். சொல் உலாம் - பரந்த புகழையுடைய. மறைத்துதி கொடு - மந்திரங்களைச் சொல்லி வழுத்தி. அல் அராவிய மேனியான் - இருளைப் போக்கிய திருவுரு உடையான். 'ஆல்' - அசைநிலை.

முருகன் திருவடியை வணங்குவோர் எல்லாச் செல்வமும் எய்துவர் என்பது கருத்து.

(24)

(கு - ரை.) ஆல நீழல் - கல்லால மரத்தின் நிழல். சிவனருள் பெற்ற நால்வர் - சனகர், சனந்தனர், சனாதனர், சனற் குமாரர் என்பவர், சரண் தொழப் பெறாதார் - திருவடிகளை வணங்கப் பெறாதவர்கள். ஞாலம் - உலகம். முருகன் அருள் பெற்ற நால்வர் - நான்முகன் திருமால், சிவன். அகத்தியன் என்பவராவர்.

கவலையைப் போக்கும் மருந்து முருகன் திருவடியை வணங்குதலே ஆகும் என்பது கருத்து.

(25)

(கு - ரை.) பெறுவது ஆவது - அடைவதற்கு உரியது. பெரும்புனல் - கடல். வேட்ட எவையும் - விரும்பிய எல்லாப் பொருள்களையும். உறுவது - உறுவிப்பது. தெறுவது ஆவது - அழித்தற்கு உரியது. மறு - குற்றம். இருள் மயக்கம் - அறியாமை காரணமாக வரும் செருக்கு.

பெறுவதற்குரியது தணிகையான் சரணம்; தெறுவதற்குரியது யான் எனது எனும் மயக்கம் என்க.

(26)