விமல வாழ்வே, அயலாற்கு வழு வறிது ஏற்றித் தம் வழுக்கட்கு இன்மை விளம்புநர் இணக்கம் நூறுமா காட்டி அன்பு நல்காய் என இயைத்துப் பொருள் காண்க.

(34)

(கு - ரை.) ஆக்கை - உடம்பு. வகுத்திடின் - படைத்திட்டால். சீர்த்தி ஒன்றே சூழுமாறு அருள் - உன்னுடைய மிக்க புகழையே நினைக்கவும் வாழ்த்தவும் அருளல் வேண்டும். புன் சொல்லும் சூழுமேல் - புன்சொற்களையும் சொல்லக்கூடிய நிலைமையில் என்னை வைக்க விரும்புவாயானால். (அதனினும்) அதனை மாற்றி - அம்மக்கட் பிறப்பினை மாற்றி. நரகின் ஊக்கி - நரகில் வீழ்த்தி, அடர்ப்பதே நன்று - துன்புறுத்துவதே நல்லது.

தணிகையம் பதியுளானே, மீட்டும் ஆக்கை வகுத்திடின் சீர்த்தி ஒன்றே சூழுமாறு அருள்; புன்சொல்லும் சூழுமேல் அதனை மாற்றி நரகின் ஊக்கி அடர்ப்பதே நன்று என வினை முடிவு செய்க. 'போலும்' என்பது உரையசை.

(35)

(கு - ரை.) பதியுளே கிடந்தும் - எங்கும் நீக்கமற இருந்தருளும் இறைவன் நிறைவினுக்குள் அடங்கி யிருக்கவும். பொல்லா மலந்தபு மாறும் - கொடிய மும்மலங்களும் நீங்குமாறும். சுத்தக் கதியுளே கலந்த காட்சியும் - களங்கமற்ற வீடுபேற்றிலே இறைவனோடு இரண்டறக் கலந்து நிற்கும் நிலையும். தெரித்து - தெளியும்படி செய்து. ததி - பால். ததி - காரியவாகு பெயர்.