வேறு

(கு - ரை.) வேண்டுவார் வேண்டுவது - அன்பராயினார் விரும்பியதை விரும்பியவாறே. மெய்ம்மைசால் - அழிவில்லாத உண்மைப் பொருளாக அமைந்த. ஆண்டகை - ஆண்மைக்கு எல்லையாக விளங்குவோன். தாட்டுணை - தாள் துணை, இரண்டு திருவடிகளையும். பூண்டது ஓர் காதலின் - ஒப்புயர்வில்லாத பேரன்போடு. மாண்டது - இறப்பினையும், பிறப்பினையும் கொடுக்க வல்லதாகிய ஓர் வல்வினை வயத்தின் - ஒப்பற்ற கொடிய தீவினை வயப்பட்டு.

வேண்டுவது அருளும் ஆண்டகை அண்ணல் தாட்டுணை காதலிற் போற்ற வல்வினை வயத்திற் பெற்றிலேன் எனக் கூட்டிப் பொருள் காண்க.

(41)

(கு - ரை.) பவம் - பிறப்பு. துமிப்பதற்கு - அழித்தருளுதற்கு. இறைவன் - முருகன். வான் உரு - பெருமை மிக்க உருவம். தரித்து - தாங்கி. சிவணிற்று - பொருந்தியது. புலைக் குரம்பை - ஊனுடம்பு. போற்றல் சென்றது - போற்றுதலால் வறிதே வாணாள் கழிந்து போகின்றது.

இறைவன் வானுருத் தரித்து குன்றகம் சிவணிற்று என் பவம் துமிப்பதற்கு என்கிலேன்; புலைக்குரம்பையே போற்றல் சென்றது எனக் கூட்டிப் பொருள் கொள்க.

(42)

(கு - ரை.) சேறலும் - செல்லுதலும். வேறு அற - வேற்றுமை யின்றி. நேர்கிலா - உடன்படாத. அன்றிய - வீடுபேற்றுக்குத் தடையாக வுள்ள. உலகு எலாம் - உலகம் முழுவதும். ஆட்டு - திரியுமாறு ஆட்டுவித்த.

தணிகையான் திருமுன் சென்றனம்; சேறலும் வேறு அற ஆனந்தநிலையில் நின்றனம்; அடியரோடு இருப்ப நேர்கிலா உலகு எலாம் ஆட்டு நெஞ்சம் வென்றனம் என்க.

(43)